主页 > T生活节 >日本吉野家谜之企划 连锁食店一呼百应组《外食战队》 >

日本吉野家谜之企划 连锁食店一呼百应组《外食战队》


2020-07-14


日本吉野家谜之企划 连锁食店一呼百应组《外食战队》

话说日本吉野家早前在官方Twitter提起一个「废弃企划」,内容係打算搵五间肉食相关企业,组成一队架空战队《企业战队 肉连者》(企业戦队ニクレンジャー)做宣传。下场当然係成个Project打回头,理由係食店之间作为竞争对手,无人觉得会搵到五间公司陪你癫啰!


7月6日吉野家将呢个準备拎去堆填嘅计划摆上Twitter,谂住当係话题消遣下,点知无几耐另一连锁餐厅Gusto(ガスト)就覆机,话要做「战队红」(因为招牌logo都係红色呀)。过几日仲响官方Twitter出埋「Gusto红」(ガストレッド)嘅角色图,认真快手。


吉野家见有人应机落搭,即刻都跟队整返个「吉野家橙」(ヨシノヤオレンジ),毕竟招牌係橙色嘛。


一石激起千重浪,外国势力肯德基都加入战团,拣咗捧住桶鸡嘅「肯德白」(ケンタホワイト),仲响Twitter话係Gusto拉佢落水喎。


之后就到摩斯汉堡推出「摩斯绿」(モスグリーン),仲係女角添。条裙係咪生菜嚟?


最估你唔到係吉野家直接对手之一,又係卖牛肉饭嘅松屋都玩埋一份,变身成「松屋黄」(松屋イエロー)压轴登场,真係敌人都可变队友。


战队终于凑齐五人喇!正式名称叫《外食战队 肉连者》,可喜可贺可喜可贺。


你以为咁就完?天真!日本便利店三大龙头之一,卖炸鸡扒都出晒名嘅FamilyMart现身,杀出身穿黄白直间包装袋,下身着住条老牛嘅「全家炸鸡连者」(ファミチキレンジャー)。到底是敌是友呢?但拎炸鸡会戴手套,至少係注意卫生嘅。


有战队就梗係要安排宿敌,专门出体重磅同埋健康管理器材嘅企业TANITA又唔介意做坏人,出tweet诚徵画师绘製「疯狂科学家TANITA博士」插图。跟住到花王旗下保健饮品系列Healthya(ヘルシア)出声,话要支援TANITA做邪恶组织干部,饮咗同牌子饮品仲识巨大化。果然出街食饭最大敌人就係健康...咦?好似有啲嘢捞乱咗...



战队角色就基本齐全,仲可能陆续有嚟,之后有咩可以做呢?摇滚乐队SPYAIR日前出tweet想负责外食战队主题曲,不过作曲家渡边沙志就先下手为强,无几耐已经曲词demo写好晒,仲自己唱埋。



其实日本大企业会唔会容许宣传部自把自为玩crossover呢?我都唔知。不过大家睇完Happy,各大企业Twitter又多人留意动向,真相「秘而不宣」都係种美德呀。

(图片:日本吉野家Twitter)




上一篇:
下一篇:

热门推荐


Google I-O 2018 日期确定  但 Google Maps
Google I-O 2018 日期确定 但 Google Maps
一年一度的 Google 开发者大会 Google I/O
Google I-O 2018:Google 服务持续导入 AI,帮助用户解决生
Google I-O 2018:Google 服务持续导入 AI,帮助用户解决生
一年一度的 Google I/O 2018 开发者大会 8
Google I-O 2019 开发者大会:软体与隐私才是主角
Google I-O 2019 开发者大会:软体与隐私才是主角
为期三天的 Google I/O 开发者大会在今日(5 /
Google I-O 2019 行程确定    Android Q 5
Google I-O 2019 行程确定 Android Q 5
好快!每天的 5 月除了有着温馨的母亲节以外,还是 Goog
Google I-O 倒数,野生 Pixel 3a XL 被捕获!
Google I-O 倒数,野生 Pixel 3a XL 被捕获!
即将在下个礼拜迎来的 Google I/O 2019 中,除
Google I-O开发者大会 新一代Android Q 系
Google I-O开发者大会 新一代Android Q 系
Google 在 I/O 2019 大会在 Googlepl